Жаніцьба Цярэшкі - city edition, Менск

«Жаніцьба Цярэшкі» — унікальная традыцыйная абрадавая гульня нежанатай моладзі, што дасягнула шлюбнага ўзросту. Сутнасць гульні заключаецца ў магчымасці для моладзі праявіць сваю прыхільнасць для знаёмства, знайсці сабе пару. Магчыма, раней гульня мела больш «сур'ёзны» характар і была своеасаблівай «рэпетыцыяй» сапраўдных вяселляў. Весялосць, узрушанасць характэрныя для «Жаніцьбы Цярэшкі», што ладзілася каляднымі вечарамі ў хаце ці карчме. Часам «жаніцьбу Цярэшкі» называюць ледзь не «паганскай оргіяй», што заўжды весяліць этнографаў, якія ведаюць што ўяўленьні аб маралі ў традыцыйным грамадзтве былі больш чым прыстойныя. Гульню дагэтуль памятаюць старыя людзі на поўначы Беларусі. Мы, @club7236867 (Студэнцкае Этнаграфічнае Таварыства), ужо шмат год «жэнім Цярэшку» ў цеснай вясковай хаце ў адной з вёсак Лепельшчыны. З утвораных падчас гульні параў ужо атрымалася колькі сапраўдных вясельляўі сем’яў. А сёлета мы ўпершыню запрашаем нежанатую моладзь прыняць удзел у гульні ў фармаце гарадзкога клуба. Дрэс-код. Усё проста: для нас найперш важна ўнутранае перажываньне сьвята, таму модныя «касьцюмы беларусаў» тут зусім неабавязковыя. Нам важна пераняць і захаваць зьмест а ня проста форму. Таму апранайцеся сьвяточна, сучасна, але кансерватыўна — гэта ж якое-ніякое вясельле. То бок спадніцы ці сукенкі на дзяўчынах катэгарычна вітаюцца. А на хлопцах — не. А з штанамі наадварот %) Другі прынцыповы для нас момант — у традыцыйных сьвятах няма падзелу на гледачоў і ўдзельнікаў. Таму мы б хацелі, каб усе госьці удзельнічалі ў сьвяце, а ня проста прыйшлі паназіраць. Клуб маленькі, месца мала, таму калі вы ўсё ж падабаецца назіраньне, мы вам лепш потым фоткі вывесім ;) Далейшыя заўвагі пра хаду абрада і правілы гульні будуць пакрысе зьяўляцца ў сустрэчы. Сачыце за навінамі. Чакаем вас у клубе «Графіці» (зав. Калініна, 16), у бліжэйшую пятніцу 9 студзеня, 19:00. Уваход: — 100 тыс. — 60 тыс. для сябраў СЭТ (і партнёраў СЭТ па праграме "Наша традыцыя") — 150 тыс для гасьцей у «вышымайках» (з гэтым жа трэба нешта рабіць ;)) *У кошт квіткоў уключаны абрадавы кілішак смачнага хатняга крупніку на зёлках і мёдзе для ўдзельнікаў гульні **Прыбытак ад імпрэзы пойдзе на падтрымку дзейнасьці @club7236867 (СЭТ) (гэта грамадзкая=некамерцыйная арганізацыя): апрацоўка этнаграфічных архіваў, захаваньне калекцый, выдавецкая і адукацыйная дзейнасьць у галіне беларускай этнаграфіі. Больш пра нас і нашу дзейнасьць можна даведацца ў @club7236867 (суполцы таварыства).