Қыз ақысы

Омер - сәндік өнер бизнесінде танылып үлгерген жас әрі көрікті жігіт. Бозбаланы туыстары өз пайдасын ойлап, оны Америкада білім алып келген бойжеткенге үйлендірмекші болады. Ал қыздың мақсаты сауық-сайран, қызық қуып сән әлемінде тез танымал болу. Жігітке оның жоспары мен бағыты мүлдем ұнамайды. Бір күні Омер дәмханада даяшы болып жүрген Дефнемен кездейсоқ танысады. Туыстары үйлендірмекші болған әлгі сылқымнан құтылудың жолын таппай жүрген жігітке де керегі сол, оңтайлы сәтті пайдаланып әпкесінің көзінше даяшы қызды сүйіп алады. Өзгенің емес, өзінің пайдасын ойлайтын туысы болса бұл сәтті де құр жібермейді.