ЫНТЫЛЫШ|Башҡорт блогы

Был блог - минең йөрәгем көҙгөһө. Бар уй-тойғоларҙы һәм хистәрҙе ошо виртуаль аҡ ҡағыҙ битенә төшөрөү - күңелгә рәхетлек килтерә. Ҡысҡырғанда - ҡысҡырырға, илағанда - иларға ярҙам иткән инструмент. Минең тормош юлым ябай булмаясаҡ, сөнки йәшәү, ғөмүмән, еңел түгел. Әммә минең менән бергә бер бормалы-бормалы һуҡмаҡтан башлап сәйәхәткә сыҡҡығыҙ килһә - рәхим итегеҙ. Был һуҡмаҡ оло, бөйөк кешеләр юлына илтерме, әллә һуҡмаҡтан артабан киңәймәҫме, әллә аҙаштырырмы - билдәһеҙ. Лакин минең ынтылышым буш булмаҫына ышанам. Һеҙ ҙә үҙегеҙгә ышанығыҙ. Сөнки үҙ тормошоғоҙҙо һеҙ төҙөйһөгөҙ, һеҙ яҙаһығыҙ, һеҙ төшөрәһегеҙ. Киләсәк һәр беребеҙҙең ҡулыбыҙҙа. Киттекме еңеүҙәр артынан?