YEGOR ZABELOV/ Кінапалёт - I дзень / 21/11

21 лістапада распачнецца "Кінапалёт" - першы фестываль нямога кіно і эксперыментальнай музыкі ў Віцебску. Пачатак 19:00 ВЦСМ (Белабародава,5), інфармацыя: +375259133876. Праграма першага дня: - паказ і жывая агучка фільма, “Менільмантан” (1926)., FRA¸ рэж. Дзімітры Кірсанаў - выступ Ягора Забелава, акардэаніста, удзельніка праект YEGOR ZABELOV TRIO Квіткі на "Кінапалёт" вы можаце набыць на пляцоўках ВЦСМ: - выставачная зала Белабародава,5 - выставачная зала Фрунзэ,11 - Арт прастора Талстога,7 Замовіць па тэлефоне 025 9133876 А таксама на ўваходзе. Кошт - 80 т. Ёсць магчымасць набыць універсальны квіток на ўсе 5 падзей фэсту са зніжкай! ТАПЁРСКІ ПАКАЗ Фільм: "Менільмантан". Францыя, 1926, 38 хвілін. Рэжысёр: Дзмітрый Кірсанаў; у ролях: Надзя Сібірская, Іяланда Больё, Гі Бельмон Паэтычная гісторыя ў традыцыях імпрэсіянізму пра нягоды жыцця двух сясцёр у прыгарадзе Парыжа - Менільмантане. Выхапленыя з рэальнага жыцця кадры старога горада, брудныя вуліцы і глыбокія перажыванні гераінь. Дзмітрый Кірсанаў пранізліва і сумленна зняў жывы сапраўдны Парыж 20-х. Музыка: Ягор Забелаў - самы вядомы баяніст беларускага музычнага андэграўнду, кампазітар, аўтар тэатральнай музыкі і музыкі да кіно, заснавальнік гурту Gurzuf і «Ягор Забелаў Трыа". Ягор Забелаў - адзін з самых арыгінальных акардэаністаў у сучаснай беларускай музыцы. Ён уваходзіў у склад гуртоў "Серебряная свадьба" і "Нагуаль", заснаваў гурт "Gurzuf" з якім перамог у беларускім адборы на Global Battle of the Bands (2007), атрымаў ганаровую прэмію Сяргея Курохіна ў галіне сучаснага мастацтва (2010) і выступаў на сцэне вядучых еўрапейскіх фестываляў акардэоннай музыкі. Забелаў мае выдатную музычную адукацыю і мысліць больш у катэгорыі акадэмічнай музыкі, але пры гэтым лічыць, што ў сваёй творчасці набліжаецца да выканаўцаў рок-музыкі. Тое, што аб'ядноўвае ўсе праекты Забелава - трансавасць, у паняцці неабмежаванасці творчага мыслення. Музыка, якая ў выніку атрымліваецца, можа прызначацца для палётаў у сне і наяве, пагружэння ў сябе, роздуму і вядома ж адрыву. Ёй таксама ўласцівая кінематаграфічнасць. Забелаў стварыў саўндтрэкі да класічных нямым фільмам і да шэрагу спектакляў. Інфармацыя: +375259133876.