ЯРМАРАК МАЙСТРОЎ МУЗЫЧНЫХ ІНСТРУМЕНТАЎ

Першы ў Гародні міжнародны кірмаш майстроў музычных інструментаў - гэта пляцоўка для сустрэчы асобаў, якія эксперыментуюць з дрэвам, металам, скурай, глінай, шклом, фарбай і ствараюць дзіўны, неверагодна разнастайны свет прыладаў для чароўных гукаў музыкі. Пагадзіцеся, у бязвізавай Гародні кірмаш майстроў - удалая магчымасць сустрэцца з калегамі, сябрамі, знаёмымі і замоўцамі з розных краін. Рэстаўратары, наладчыкі, калекцыянеры, музыканты, даследчыкі, музыказнаўцы, музейшчыкі, аматары і прафесіяналы - тут кожны можа знайсці сабе аднадумца або свайго майстра.