Як выжываць рэгіёнам у крызіс | Віцебск / 6.05

Анлайн-часопіс "Ідэя" запрашае ў суботу, 6 мая, на лекцыю “Як выжываць рэгіёнам у крызіс і што рабіць Віцебску”. Уваход вольны. Рэгістрацыя на мерапрыемства: https://goo.gl/forms/dk6XOqt0Ua06Pn3V2 Рэгіянальныя цэнтры ўсё больш ператвараюцца ў Беларусь другога гатунку. Эканамічны крызіс ударыў па іх куды мацней, чым па Мінску. Сталіца пры гэтым працягвае высмоктваць людзей і рэсурсы - і каб не адстаць ад Мінску назаўсёды, рэгіянальныя цэнтры павінны развівацца ў два разы хутчэй. Як перажываюць зацяглую дэпрэсію беларускія рэгіёны і якім можа быць далейшае развіццё падзей? Якую рэгіянальную стратэгію мог бы абраць Вiцебск, каб зрабіць сваіх жыхароў багацейшымі, а дзяржаўнае кіраванне больш эфектыўным патлумачыць Рыгор Астапеня, галоўны рэдактар “Ідэі”. Пра лектара: Рыгор Астапеня – заснавальнік і галоўны рэдактар анлайн-часопіса “Ідэя”. Рыгор працуе дырэктарам па развіцці і аналітыкам Цэнтра Астрагорскага, а таксама рыхтуе PhD-дысертацыю ў Варшаўскім універсітэце на тэму “Міжнародная ідэнтычнасць Беларусі”. Рыгор паходзіць з Салігорска.