Йөрәгемдә ҡояш - Тәнзилә Кейекбаеваның ижады

Тәнзилә Кейекбаеваның ижад емештәре: шиғырҙары, мәҡәләләре, проза өлкәһендәге яҙмалары менән уртаҡлашыу майҙаны. Тәнзилә Кейекбаева (Ғилманова) Баймаҡ районы ҡыҙы. БДПИ-ның сит телдәр факультетын тамамлап, инглиз, немец телдәренән балаларға белем бирә. Өфө дәүләт сәнғәт институтында Башҡортостан телевидениеһы өсөн махсус режисссерҙар әҙерләү бүлеген тамамлап, "Башҡортостан" телерадиокампанияһында эшләй. 2000 йылдар башынан 2013 йылға тиклем Италияла йәшәй, Европа илдәрен арҡырыһынан буйына гиҙеп сыға. 2006 йылда Турин ҡалаһында үткән Бөтә Донъя ҡышҡы Олимпиада уйындарында тәржемәсе булып эшләй. Башҡортостанға ҡайтып киткән арала 2007 йылда Бәләбәйҙә үткән "Илһам шишмәләре" фестивалендә ҡатнашып, лауреат исемен яулай. 2009 йылда " Йөрәгемдә - ҡояш" исемле шиғырҙар йыйынтығы сыға. 2014 йылда "Бәхет ҡошо юлынан" исемле прозаһы донъя күрә. Бөгөнгө көндә Тәнзилә Өфөлә йәшәй. Балаларға инглиз теленән, студенттарға итальян теленән белем бирә. " Юлдаш" радиоһында "Үҙ яғыма ҡайтһам" тапшырыуының авторы һәм алып барыусыһы.