Viva Voce

Дзяржаўны камерны аркестр Рэспублікі Беларусь Мастацкі кіраўнік і галоўны дырыжор – заслужаны артыст Расіі Яўген Бушкоў Саліст – Фрыдрых Ліпс баян (Масква) В.Кілар - "Orawa" для струннага аркестра Г.Канчэлі – «Capote» для акардэона, бас-гітары и струннага аркестра (прэ'мьера ў Беларусі) К.Яськоў– «Гімн Афрадыце» (сусветная прэм'ера) Я.Падгайц – Канцэрт № 2 для баяна і струннага аркестра Прэм'ера ў Беларусі — "Сapote" для акардэона, ударных, бас-гітары і струннага аркестра кампазітара Г. Канчэлі прагучыць у праграме Дзяржаўнага камернага аркестра Беларусі пад кіраўніцтвам заслужанага артыста Расіі Яўгена Бушкова. "Сapote" — з тых твораў, якія пазбаўленыя іроніі. Нават самаіроніі. Твор, дзе ў чыстым выглядзе застаецца індывідуальнасць. А таксама гісторыя і вечнасць. У гісторыі і вечнасці ёсць нязменны спадарожнік — трагічнасць. Гэта востра адчувае кампазітар і прапануе нам новыя параметры свайго творчага існавання. На сцэне Вялікай залы Белдзяржфілармоніі "Сapote" Г. Канчэлі прагучыць у выкананні народнага артыста Расіі, прафесара Расійскай акадэміі музыкі імя Гнесіных Фрыдрыха Ліпса. Музыкант здзіўляе творчай актыўнасцю і захопленасцю. Да гэтай пары Фрыдрых Ліпс уплывае на фармаванне ўяўлення аб мастацкіх магчымасцях баяна. Ён актыўна супрацоўнічае з сучаснымі кампазітарамі і атрымлівае сусветнае прызнанне на акадэмічных сцэнах. Ф.Ліпсам выканана больш 80 сусветных прэм'ер — твораў створаных менавіта для яго. Яму прысвячалі свае творы С.Губайдуліна, Я.Падгайц, М.Бронэр, Т.Сяргеева, А.Журбін і інш. Ім запісана звыш 30 СD у шматлікіх краінах свету: США, Канаде, Германии, Франции, Испании, Италии, Дании, Голландии, Англии, Японии. Сусветная прэм'ера канцэрта 13.02.2014 — "Гімн Афрадыце" для баяна і струнных Кастуся Яськова і напісаны наўмысна для сёняшняга выступлення народнага артыста Расіі Ф.Ліпса па замове мастацкага кіраўніка Дзяржаўнага камернага аркестра Беларусі, заслужанага артыста Расіі Яўгена Бушкова. "Гімн Афрадыце" — урачыста ўзнёслая песня, якая славіць багіню прыгажосці, урадлівасці, вечнай юнацкасці і кахання – Афрадыту. Прысвячаецца жонцы кампазітара. У канцэрце Дзяржаўнага камернага аркестра таксама прагучыць твор расійскага кампазітара Яфрэма Падгайца для баяна і камернага аркестра Канцэрт №2 "Viva voce" і музыка Войцэха Кілара "Orawa" для струннага аркестра — папулярнага польскага кампазітара, вядомага слухачу па музыцы да кінафільмаў "Піяніст", "Пан Тадэвуш", "Дракула".