Vinsent

Vinsent - беларускі хіп-хоп артыст з жывым бэндам. Склад: Vinsent - вакал Аляксандр Грыгор'еў - гітара Міхась Марынічаў - бас Сяргей Падлівахін - бубны Vinsent - адзін з найяскравейшых прадстаўнікоў айчыннае музычнае сцэны. Сваім непаўторным стылем артыст пасьпеў сабраць шматлікую армію прыхільнікаў. Актуальная тэматыка песень, тэксты блізкія да паэзіі, неверагодная энэргетыка на канцэртах - гэта тое, чым захапляе Vinsent. Пасьля ўдалага дэбюту з альбомам "Пачатак" Vinsent выступіў у шматлікіх беларускіх гарадох. Толькі айчыннай сцэнай Vinsent не абмежаваўся, а адзначыўся таксама яскравымі выступамі на шматтысячных фэстах пад адкрытым небам у Польшчы, Украіне ды Літве. Ёсьць у арсэнале й выбітныя рэжысэрскія відэапрацы. Так, да прыкладу, кліп на песьню "Восеньскі вальс" атрымаў узнагароды за лепшае відэа па вэрсіі прэміяў "Кліп-марафон" і "Street Awards". Зараз Vinsent выступае разам з жывым бэндам, што робіць музыку артыста больш драйвавай і энэргічнай. http://www.youtube.com/vin