Вейшнорыя

Вейшнорыя (лацінкай Viejšnoryja) — інтэрнэт-дзяржава, якая была ўтвораная актыўнымі грамадзянамі, падчас так званай 7-дзённай вайны (таксама вядомай, як вучэньні "Захад-2017"). На дадзены момант краіна мае Сойм (ІІ скліканьня), 1-ы Ўрад, у 2018 року была прынятая Канстытуцыя, распрацоўваецца заканадаўчая база, адбываецца інстытуалізацыя розных сфэраў віртуальнага жыцьця. Абуджэньне Вейшнорыі Да абуджэньня Вейшнорыі спрычыніліся ГенШтабы РБ і РФ-іі. згодна з легэндай вучэньняў "Захад-2017" Вейшнорыя — віртуальная дзяржава, якая суседнічае зь Беларусьсю. Адпаведна той жа легендзе Вейшнорыя займае тэрыторыю большай часткі Гарадзенскай вобласьці і паўночна-заходніх частак Менскай і Віцебскай абласцей. Мяжа Вейшнорыі ў вялікай ступені супадае зь мяжой Польшчы і СССР у 1920-1939 гг. Таксама заўважана, што "Вейшнорыя" супадае з тэрыторыяй, дзе падчас выбараў прэзыдэнта ў 1994 годзе вялікі адсотак выбарцаў прагаласаваў за Зянона Пазьняка. Напярэдадні вучэньняў адбыўся выбух грамадзкага супраціву - лятэнтныя вейшнорцы абудзіліся, многія тысячы запісаліся ў грамадзяне Вейшнорыі, інфармацыйны супраціў цягам месяцу, афіцыйнымі рэзыдэнцыямі дзяржавы былі абвешчаныя Горадня - Парлямант і Ліда - Ўрад (акрамя Міністэрства культуры), а культурнай сталіцай Вейшнорыі названая Смаргонь (што зьяўляецца яўнай адсылкай да старадаўняга культурна-палітычнага цэнтру рэгіёну - Крэва). Назва "Вейшнорыя" паходзіць ад балцкага імя Вайшнор (у цяперашніх лі(е)тоўцаў "Vaišnoras", у сярэднявечных прусаў "Waisnor") — «той, хто ахвотна частуе» (хлебасольны). У Ашмянскім раёне ёсць вёскі Вялікія Вайшнарышкі і Малыя Вайшнарышкі. На поўначы Летувы (у Шаўляйскім і Ёнішкіскім раёнах) ёсць вёскі Вайшнорай (Vaišnoriai).