Вечар музыкі і танцаў у падбарысаўскай сядзібе

Вечар пранізлівай клезмерскай музыкі, местачковых танцаў і цёплых знаёмстваў, з кампліментамі ад выдатнага кухара сядзібы Бівак. Мы запрашаем вас у Дудзінку на пачатку зімы на эксклюзіўную сустрэчу са скрыпаком з Масквы, пра якога ў музыканцкіх суполках кажуць "два яўрэя", бо калі Аляксей Розаў /Алексей Розов/ грае на сваёй скрыпачцы, быццам бы гучыць не адзін інструмент, а адразу некалькі! І калі вы думаеце пра пераднавагодні настрой і паглыбленне ў чароўную атмасферу таемнай глыбіні сініх прыцемак снежня, мігатлівага агню свечак і паху гарбаты з цынамонам — далучайцеся да гэтае вечарыны. Цуды, лірыка і душэўны ўздым вам гарантаваныя. Дрэскод імпрэзы — вячэрні строй, для гасьцёў ў касьцюмах 1920-30 гадоў, танцораў, музыкаў, сяброў нашай суполкі і ўсіх, хто падтрымаў нас лайкам і рэпостам альбо мае флаер івэнта— ЗНІЖКА! Калі ласка, паведаміце арганізатарам пра зроблены вамі ўнёсак, даслаўшы мэйл на info@bivak.by альбо патэлефануйце +37529 170 1812. Імпрэза складаецца з: — музычнае інтра, фотасэт, кава-гарбата; — сольная праграма Аляксея Розава, скрыпача з Масквы; — фуршэт; — танцы, грае Zhydovachka kapelye. Сядзіба знаходзіцца ў 1.8 км ад апошняга аўтобуснага прыпынку ў Барысаве (вул. Дымкі).