Тыуған ил ул беҙҙән башлана!

Тарихтың яҡты һәм данлы биттәре менән бергә, уның ҡара һәм фажиғәле, хатта ғәжәп сәйер яҡтары ла бар. Кинофильмдарҙы монтажлағандағы һымаҡ, ҡараңғы һәм боҙоҡ кадрҙарҙы киҫеп ташлап ҡына ҡотолоп булмай бында. Тарих яҡшыртыуға ла, хөртәйтеүгә лә мохтаж түгел. Уның һәр яғын үҙенең эске үҫеш ҡанундары ерлегендә дөрөҫ аңлай һәм аңлата алырға ғына мөмкин. Ғ.Хөсәйенов Бында тыуған яҡ тарихы һәм мәҙәниәте буйынса уҡыусылар менән берлектә эшләнгән ғилми эҙләнеүҙәр, дәрес һәм дәрестән тыш саралар сценарийҙары, ижади эштәр ҡуйыласаҡ. Шулай уҡ мәктәп тормошо, төрлө тарихи ваҡиғалар, мәшһүр кешеләр, арҙаҡлы яҡташтар тураһында ҡыҙыҡлы мәғлүмәттәр, фотолар урын аласаҡ. Материалдарҙың тулы теҙмәһен "Обсуждения" бүлегендә табырһығыҙ. Тыуған яғының тарихы, мәҙәниәте менән ҡыҙыҡһынған, киләсәгенә битараф булмаған, рухлы кешеләрҙе аралашырға саҡырабыҙ. Ниғәмәт урта мәктәбенең тарих һәм мәҙәниәт уҡытыусыһы Рәхимова Тәслимә Харис ҡыҙы.