СЯМАШКА СЫГРАЕ “ЗЬНЯНАЦКУ” [21/09/2013]

21 верасьня 2013 года ў ДК “La мора” адбудзецца выступ Віктара Сямашкі і Кумпаніі з праграмай імправізацыйнае музыкі й антыімправізацыйнае паэзіі “Зьнянацку”. Музыкант спэцыялізуецца на разнастайных духавых інструмэнтах і шукае сынтэз між фры- джазам, фальклёрам, акадэмічнай і электроннай музыкай. Усе кампазыцыі будуць нараджацца ў працэсе музыкаваньня, і потым ніколі ня будуць паўтораныя ў такім жа выглядзе. На рахунку Віктара выступы ў розных краінах Эўропы ў складзе розных праектаў і вялікая колькасьць сольных альбомаў. Сярод апошніх – альбом“г.М”, выдадзены расейскім лэйблам Clinical Archives (болей за 9 тыс. спампоўваньняў). Варта адзначыць і супрацу з французскім імправізатарам Крыстофам Мэльенам, выдадзеную бэльгійскім лэйблам tape-safe.net. http://tuzin.fm/article/66301/ http://vvsiamashka.podfm.ru/dp/ http://soundcloud.com/vvsiamashka/sets http://www.archive.org/details/ca494_vs Падчас выступу будуць распаўсюджвацца кнігі вершаў і кружэлкі з музыкай Віктара Сямашкі. Месца правядзеньня: ДК “La мора”, Шчорса 2-я вул., дом 7а, ст. м. Грушаўка, Менск Уваход вольны.