Сустрэча з інтэрнэт-бібліятэкай Kamunikat.org

Беларуская Інтэрнэт-Бібліятэка Камунікат.орг запрашае: - літаратараў, - дасьледчыкаў, - навукоўцаў, - журналістаў, - студэнтаў ды ўрэшце - ўсіх тых хто любіць беларускую літаратуру на сустрэчу, падчас якой можна будзе пазнаёміцца з беларускімі выданьнямі якія захоўваюцца ў яе рэсурсах. Падчас сустрэчы: - прэзэнтацыя праекту Беларуская Інтэрнэт-Бібліятэка Камунікат.орг - сустрэча з беларускім бардам Віктарам Шалкевічам - ...іншыя неспадзяванкі :) Сустрэча адбудзецца ў Малой зале Маладзечанскага дзяржаўнага музычнага коледжу імя М. К. Агінскага; адрас: вуліца Вялікі Гасцінец 52. -------------------------------- Беларуская Інтэрнэт-Бібліятэка Kamunikat.org узьнікла ў 2000 годзе як прыватная ініцыятыва і на працягу некалькіх гадоў існавала на грамадскіх пачатках. З часам сьціплы збор публікацыяў беларусаў Беласточчыны перарос у буйную бібліятэку, якая сёньня зьяўляецца адной з найбольш папулярных беларускіх бібліятэк у сеціве. Доўгі час (да 2018 году) Бібліятэка была праектам Беларускага Гістарычнага Таварыства ў Беластоку (Польшча). Цяпер пашыраннем рэсурсаў Бібліятэкі займаецца адмыслова створаны Фонд Kamunikat.org. У нетрах сайта Kamunikat.org. можна знайсьці амаль 40 000 беларускіх публікацыяў – кніг, часопісаў, газетаў, video, mp3-файлаў, якія датычаць Беларусі ці беларусаў. Багатыя зборы гістарычнай літаратуры і кніг, недаступных у традыцыйных бібліятэках Беларусі, робяць Kamunikat.org крыніцай унікальнай інфармацыі для студэнтаў і навукоўцаў. У рамках праекта “Беларускія аўтары” Kamunikat.org дае магчымасць ствараць персанальныя сайты беларускіх пісьменнікаў, публіцыстаў і даследчыкаў, чые кнігі знаходзяцца ў рэсурсах Бібліятэкі. Існуе таксама некалькі сайтаў беларускіх выдавецтваў і выдавецкіх серый.