“Стих в душе кипит” (11.07 а 18-й)

У гісторыю беларускай літаратуры Максім Багдановіч увайшоў у першую чаргу як паэт, і гэта цалкам справядліва, бо да сённяшняга дня яго лірыка заварожвае і зачароўвае ўсіх аматараў прыгожага пісьменства. Тым не менш, нельга выпускаць з увагі тое, што талент свой ён выявіў і ў прозе, і ў крытыцы, і ў перакладніцкай справе. У гэтым жа годзе спаўняецца 100 гадоў перакладному зборніку паэзіі Максіма Багдановіча “Зеленя”, які змясціў пераклады ўласных вершаў паэта з беларускай мовы на рускую. Бліжэй пазнаёміцца з гісторыяй стварэння зборніка, убачыць яго арыгінал, а таксама паразважаць над тым, чаму паэты звяртаюцца да перакладніцкай дзейнасці, у чым плюсы і мінусы ўласна аўтарскага перакладу, мы запрашаем на адмысловай вечарыне, якая адбудзецца 11 ліпеня а 18 гадзіне ў Літаратурным музеі Максіма Багдановіча (вул.Максіма Багдановіча, 7а) У вечарыне прымаюць удзел: Пятро Васючэнка Віталь Рыжкоў Ганна Янкута Гурт “Нельга забыць” Куратар праекта - Юлія Мацук, +37529 3812117 Уваход вольны