Шигырьләр, хикәяләр, акыллы фикерләр, мәкаләләр

Бу блогта минем иҗатым гына урын алмаячак, Әтнәбезнең каләм тибрәтүчеләре, иҗат белән шөгыльләнүчеләре, китабын чыгарып куанучыларныкы да ул. Аларның иҗаты белән дә танышырбыз. Яшь шагыйрьләрнеке дә булыр ул. Беренче тапкыр каләм алып тәүге тапкыр язучыларның иҗатын да укып, аларга да ярдәм кулын сузарбыз. Тәнкыйтьчеләр фикерен дә тыңларбыз, укырбыз, сөйләшербез, серләшербез… "Күңел чыңы" - барыбызныкы да булсын. Татар телендә иҗат итүчеләрнең язмаларын, шигырьләрен укып куаныйк! Ә аларга карата фикер әйтергә теләгән белгечләр сүзен, фикерен ишетә алсак, икеләтә шатланырбыз. Күңел үзе юл күрсәтер, Алла боерса! Хәерле сәгатьтә, дуслар!