ШАҢДАУ

Был төркөм, шағирә, журналист, И.Ғиззәтуллин исемендәге премия лауреаты ТАҢСУЛПАН РӘСҮЛДЕҢ шиғырҙары төркөмө. Таңсулпан Рәсүл (тулы исеме: Байтимерова Таңсулпан Рәсүл ҡыҙы) 1989 йылда Бөрйән районы, Иҫке Мөсәт ауылында тыуған. 1995-2006 йылдарҙа Яңы Собханғол урта мәктәбендә уҡый. 2007-2010 йылдарҙа Баймаҡ ауыл хужалығы техникумында Агроном һөнәрен ала. 2009 й. Сибай ҡалаһында үткән йәш шағирҙар бәйгеһе еңеүсеһе. 2009-2010 й.й. уҡыуҙағы һәм ғилми-тикшеренеү эшендәге юғары ҡаҙаныштары өсөн Башҡортостан республикаһы Президенты стипендияты. 2011 й. Учалы яҙыусылар ойошмаһында "Ышаныу" исемле беренсе шиғырҙар йыйынтығы баҫыла. 2013 й. "Ҡош юлы" йәштәр фестиваленең I шағирҙар бәйгеһе еңеүсеһе. 2015 й. Башҡорт матбуғатын, башҡорт мәҙәниәтен сит илдәрҙә популярлаштырыуға, танытыуға тос өлөш индергәне өсөн Бөтә донъя Башҡорттары ҡоролтайының Башҡарма комитетынан Рәхмәт хаты менән бүләкләнә. 2016 йылдан алып "Башҡортостан" гәзите хәбәрсеһе. 2017 й. "Китап" нәшриәтенең "Йәштәр тауышы" серияһында "Атай, һине күрҙем..." исемле икенсе шиғри йыйынтығы сыға. 2017 й. "Лифт" Бөтә Рәсәй әҙәби журналында шиғырҙар шәлкеме баҫыла. 2019 й. Ибраһим Ғиззәтуллин исемендәге әҙәби премия лауреаты. 2020 й. Халыҡ-ара М.Ҡашғари хикәйәләр бәйгеһенедә Башҡортостан буйынса II урын ала. 2020 й. Ҡаҙаҡ шағиры Саят Ҡамшыгерҙың өс телдә сыҡҡан "Һиңә" исемле шиғырҙар китабында ҡаҙаҡсанан шиғырҙар тәржемәһе урын алды. 2021 й. март, бөгөнгө көндөң билдәле шағирҙары әҫәрҙәрен туплаған "Ағиҙел" журналының Шиғри йыйынтыҡтар һанында шиғри шәлкеме баҫылды.