Селфи-конкурс "Мин башҡорт кейемендә"

28 май көнө Өфөлә, Салауат Юлаев майҙанында, Республика Башҡорт милли кейеме байрамы үткәрелә. Ошо сара сиктәрендә, был төркөмдә “Мин башҡорт кейемендә” тип исемләнгән селфи-конкурс ойошторола. Барығыҙҙы ла унда ҡатнашырға саҡырабыҙ! Еңеүселәр байрам көнө сәхнәлә бүләкләнәсәк! Талаптар ябай: - Йәш, йәшәү урыны сикләмәһе юҡ. - Конкурста мотлаҡ селфи фотолар (үҙ-үҙеңде фотоға төшөрөү) ғына ҡатнаша. - Конкурста ҡатнашыусылар башҡорт милли кейемендә, йә иһә кейемдәрендә милли орнаменттар, биҙәүгестәр булыуы мотлаҡ шарт. - Конкурста ҡатнашыусылар шулай уҡ милли костюмдың бер элементын ғына кейеп селфиға төшөүе мөмкин (мәҫәлән: бүрек, кәпәс, ҡашмау, һаҡал һ.б.) - Исем-фамилияһы, йәше, йәшәгән ере тураһында мәғлүмәт булыу мотлаҡ. - Фотоға #минбашҡорткейемендә йәки #явбашкирскомнаряде хэштегын ҡуйығыҙ. Мотлаҡ түгел. - Селфи тыуған яҡ, иҫтәлекле урындар, тәбиғәт фонында төшөрөлөүе мөмкин. Мотлаҡ түгел. Еңеүселәр һигеҙ номинация буйынса билдәләнә: - Классик стиль – традицион башҡорт милли костюмындағы селфи өсөн; - Заманса стиль – заманса кейемдә милли элементтар (орнамент, биҙәүгестәр һ.б.) булған селфи өсөн; - Ҡабатланмаҫ стиль – милли кейемдә оригиналь селфи өсөн; - Рухлы стиль – милли кейемдә башҡорт рухын һынландырған селфи өсөн; - Бәләкәскәй, матурҡай - балалар селфиһы; - Пар күгәрсен – һөйгән йәрҙәр, парҙар төшкән селфи; - Коллектив селфи – күмәкләп төшкән селфи; - Иң популяр селфи – Бәйләнештә төркөмөндә иң күп лайк йыйған селфи (махсус программалар ярҙамында лайкттар йыйылған фотолар ҡаралмай). Еңеүселәр 28 май көнө, Салауат Юлаев майҙанындағы байрамда, сәхнәлә бүләкләнәсәк!