Сарыг Шажын Тывада

Шаг-төөгүден өгбелеривистиң сагып чорааны Cарыг Шажынывыс катап уламчылап, сайзырап турар үеде Будда Бурган Башкының Өөредиин хүн-бүрүде номчуп, сайгарбышаан, Шын Орукче кирер аргазын дилээр ужурлуг бис. Хилинчек-човулаңның дазылындан адырып, аас-кежикти айтып чоруур Бурган Башкының Өөредии бистиң тыва чоннуң ажы-төлүнге салгалдан салгалче дамчып чорууру чугула. Үндезин шажын-чүдүлгевисти, сүзүүвүстү, төрээн дылывысты келир үеге кадагалап артыраалыңар! Бо арынның ажылын кылып чоргусканывыстың ачы-буяны-биле амылыг амытан бүрүзү долу аас-кежикти чедип, хилинчек-човулаңдан адырлыр-ла болзунам! Тыва чуртувус мандып, хөгжүп-ле чоруур болзун! База ол ышкаш, амыр-тайбыңның, аас-кежиктиң үндезини болур мерген угаанны тыва чонувус сайзырадыр болзун! Амылыг амытан бүрүзү Улуг Энерел сеткилдиг ыдыктыг Башкыларга назыдан назыже таваржып чоруур-ла болзунам!