Сәяхәтнамә

Сәяхәтләргә багышланган сәхифәбезгә рәхим итегез! Монда сез үзегезнең сәяхәтләрегез турында постлар һәм фотолар калдыра аласыз. Сәяхәт ул чит илгә бару дигән сүз генә түгел, күрше авылга барып кайту да сәяхәт. Әйе, татар авылларына сәяхәт тә безгә бик кызыклы! Сәяхәтнамә кысаларында без берничә проект алып барачакбыз: - Сәяхәтләргә багышланган аралашу клубы. Айга бер тапкыр күрешеп, бергәләп чәй эчеп, сәяхәтчеләрнең чыгышларын тыңлау. Сез үзегез дә сәяхәтләрегез турында сөйләргә килегез! - "Татарча каучсерфинг" проекты. Каучсерфингны күбегез нәрсә икәнен белә. "Татарча каучсерфинг" - төрле өлкәләрдә һәм илләрдә яшәүче татарларның бер-берсен кунак итүе, экскрусияләр уздыруы, һәм иң мөһиме - чәй эчертүе. Чит җирдә яшәүче татар кардәшеңнең тәмле чәен эчүдән дә кадерлерәк нәрсә бармы икән ул дөньяда?! - Татар этнотуризмы. Татар авыллары һәм татарлар белән бәйле булган төрле җирләр турында кызыклы репортажлар әзерләү! - Татарча сәяхәт-видео (трэвел-видео). Сәяхәтләрегез турында татарча видеолар төшереп, безгә җибәрегез. - Бергә җыелып сәяхәт кылу. Бай табигатьле Татарстаныбызның төрле почмакларына һәм татарлар белән бәйле булган тарихи урыннарга сәяхәтләр. Арагызда "Сәяәхәтнамә" проектын үстерүдә ярдәм күрсәтергә теләүчеләр бар икән, безгә языгыз. Без сезнең ярдәмгә мохтаҗ! Бу проектны энтузиазм рәвешендә генә алып бара алачакбыз.