СЁННЯ! Зімовы канцэрт гурта Vuraj! Брюгге

20 снежня этна-гурт Vuraj запрашае ўсіх на незвычайны зімовы канцэрт, каб разам адсвяткаваць важную дату ў сваёй музычнай кар’еры. 7 год на сцэне. 7 год пошукаў. 7 год глыбокай асэнсаванай працы з беларускім фальклорам. Музыкі рыхтуюць цікавую і насычаную праграму, складзеную з песень розных часоў, а таксама новыя творы. «Фішка» вечара – удзел аўтэнтычнага калектыва з Палесся (в. Дзятлавічы), які выступіць з Vuraj на адной сцэне. У жывым выкананні прагучаць старадаўнія песні ў першапачатковым выглядзе і з вурайскім аздабленнем. Вас чакае святочная зімовая атмасфера беларускага Палесся і Поўначы, таямніцаў і чараў, музыкі і фальклору. Канцэрт адбудзецца ў клубе BRUGGE (Партызанскі пр-т, 6А). Пачатак а 19-й. Квіткі: Першыя 50 квіткоў – 10 руб. (Запіс па квіткі: https://vk.com/topic-156602262_36337180) Папярэдні продаж – 15 руб (http://afisha.bycard.by/performance/zimovy_kancert_gurta_VURAJ) У дзень канцэрта – 20 руб. Інфалінія: +37525 9969376.