Прэзентацыя кнігі з элементамі сярэднявечнага дыспуту

5 красавіка (чацвер) а 19-й музей Якуба Коласа запрашае на прэзентацыю кнігі Рамана Абрамчука (http://vk.com/id6075646) "МузЫка на Беларусі: ад архаікі да сучаснасці". Сярод гасцей (акрамя аўтара): літаратуразнавец з сівізной у скронях, доктар філалагічных навук Арсень Ліс, прывабная жанчына-культуролаг, кандыдат культуралогіі Эліна Усоўская, мастак-дызайнер у акулярах Міхал Анемпадыстаў. У якасці жывой ілюстрацыі да кнігі – Яўген Барышнікаў з дудой і гітарай. Уваход вольны. Даведкі: 029 704-00-18, 017 284 17 02. Адрас музея: вул. Акадэмічная, 5 (ст.м. Акадэмія навук, двухпавярховы шэры будынак за галоўным корпусам НАН Беларусі).