Першы конкурс відэа-інтэрв'ю "Памяць Народа"!

Беларускі архіў вуснай гісторыі прадстаўляе Першы беларускі конкурс відэа-інтэрв’ю “Памяць Народа”. Галоўная ідэя конкурсу – зацікавіць маладых людзей лёсамі сваіх родных, сваякоў і знаёмых старэйшага пакалення. Умовы конкурсу “Памяць Народа” Дзеля таго, каб прыняць удзел і перамагчы, неабходна зняць успаміны чалавека старэйшага пакалення і даслаць атрыманае відэа-інтэрв’ю арганізатарам конкурсу: 1. Прымаюцца відэазапісы зробленыя ад 15 студзеня да 15 траўня 2015 году ; 15 траўня - 20 траўня – праца экспертнай групы і галасаванне на канале Youtube; 25-26 траўня – узнагароджанне пераможцаў конкурсу. 2. Працягласьць відэа ад 4-5 да 20-25 хвілінаў. Арганізатары могуць дапамагчы з прасцейшым мантажом відэа. 3. Галоўны крытэр ацэнкі дасланых відэа – цікавасьць, даўніна й унікальнасьць успаміну. Прапануем здымаць і дасылаць успаміны, якія апісваюць падзеі і лёсы людзей да 1991 года ўключна. 4. Узнагароды атрымаюць аўтары трох самых цікавых відэа-інтэрв’ю: 1 месца – відэакамера з флэш-памяццю; 2 месца – сучасны планшэт, 3 месца – набор цікавых кніг. Першае і трэцяе месца вызначыць экспертная група, якая складаецца з вуснага гісторыка, этнографа і відэа-аператара. Уладальніка планшэта абярэ галасаванне, якое адбудзецца на канале Youtube Памяць Народа, праз колькасць падабаек (лайкаў) пад відэа-інтэрв’ю. 5. Кожнае відэа павінна мець інфармацыю пра запіс, так званы Пашпарт вуснагістарычнага ўспаміну. Гэта звесткі пра галоўнага героя відэа-інтэрв’ю, Вашага сведку часу: імя, прозвішча, імя па бацьку, месца і дата нараджэння, месца пражывання падчас узгадваемых падзеяў (калі гэта не згадваецца у інтэрв’ю). Таксама трэба пазначыць дату й месца запісу відэа-інтэрв’ю, імя і прозвішча аўтара відэазапісу, кантактныя звесткі – тэлефон, электронная пошта. “Пашпарт" можа быць дасланы у прымацаваным тэкставым файле, альбо агучаны падчас відэазапісу. 6. Даслаць відэа можна наступнымі спосабамі: I.Невялікі відэазапіс можна даслаць на электронную пошту – pamiac.naroda@gmail.com; II. Больш “цяжкія” файлы можна запампаваць на http://dropmefiles.com , ці любы іншы файлаабменнік, даслаўшы нам спасылку для спампоўвання і неабходную інфармацыю пра запіс; III. Даслаць кружэлкі з відэазапісам звычайнай поштай на адрас: Мінск, вул. Карла Лібнэхта, 112, памяшканне 1/Н (РМГА «СЭТ»), індэкс 220036; IV. Перадаць відэазапіс праз нашых калегаў ва ўсіх абласных гарадах, каб дамовіцца тэлефануйце: +375292423722, +375297556885, +375447357571. За актуальнымі навінамі й абвесткамі сачыце на нашых старонках: http://nashapamiac.org/, МГА “Гісторыка” http://my-historica.org/, на старонках Конкурса ў сацыяльных сетках (ВКонтакце, Facebook) і ў СМІ. Чакайма Вашага ўдзелу!