Пахаванне Каліноўскага ў Вільні

️ Сябры! Суполка "Мая Краіна Беларусь" запрашае вас у паездку, якая можа адбыцца толькі аднойчы. Мы едзем на пахаванне Каліноўскага і іншых паўстанцаў у Вільню 22 лістапада 2019. Наш маршрут: Віцебск – Ворша – Менск – Вільня – Менск – Ворша – Віцебск. Кошт: 59€ + 50 рублёў. Дзень 1. (22 лістапада) Выезд з Віцебску а 2.00, з Воршы – а 3.30, з Менску – а 6.30. Мяжа. 11.00—11.45 – Развітанне грамадскасці з паўстанцамі ў Кафедральным касцёле Вільні (уваход свабодны). 12.00 – Пачатак урачыстай імшы ў Кафедральным касцёле Вільні (уваход абмежаваны, але на Кафедральнай плошчы будуць усталяваныя адмысловыя вялікія экраны). 13.20 – Пачатак пешай развітальнай працэсіі ад Кафедральнага касцёла да могілак Росы. Парэшткі Кастуся Каліноўскага і Зыгмунта Серакоўскага павязуць на лафеце, іншых паўстанцаў — на катафалках. 14.00 – Цырымонія пахавання парэшткаў у калумбарыі капліцы на могілках Росы. 16-17:00 – засяленне ў Ecotel Vilnius ***. Добрый гатэль у цэнтры Вільні. Усё побач. 18.00 - і далей – вольны вечар у Вільні, які мы разбавім знаёмствамі, частаваннем цэпелінаў, прагулкамі і падняццем кубкаў за светлую памяць паўстанцаў! Дзень 2. (23 лістапада) 07.00 – 09.30 – снядак. Ён уключаны ў кошт. 10.00 – па жаданні паездка ў Трокі. Мы наведаем Трокскі гістарычны нацыянальны парк, які спалучае ў сабе прыродную прыгажосць азёраў і глыбокае гісарычнае мінулае. Трапім і ў Трокскі замак, што месціцца на выспе возера Гальва. Для тых, хто застаецца ў Вільні, вольны час да 20:00. Вы зможаце выкарыстоўваць вольны час, як пажадаеце. У гэты дзень плануецца шмат цікавых беларускіх мерапрыемстваў: грэка-каталіцкае богаслужэнне за супакой паўстанцаў, сустрэча грамадскасці з Радай Беларускай Народнай Рэспублікі, гісторыка-тэатральна-паэтычны Рэквіем прысвечаны паўстанню 1863-1864 гг, жалобнае грамадскае шэсце са знічамі ад Вострай брамы да могілак Росы. Мы дапаможам вам спланаваць дзень, растлумачым дзе і калі будуць усе актыўнасці. УВАГА: для тых, хто застаецца ў Вільні мы правядзем аглядная аўтобусна-шпацыровачная экскурсія па Вільні. Мы наведаем асноўныя месцы, звязаныя з паўстанцамі – Лукішскую плошчу, дзе быў пакараны Кастусь Каліноўскі, гару Гедыміна, дзе былі знойдзены парэшткі. Акрамя таго, экскурсія пройдзе і па старым горадзе, дзе мы ўбачым галоўныя цікавосткі горада. 20:00 - заедзем у гіпермаркет за алкаголем, сырам і шакаладам. 22.00 – выпраўляемся дадому. Уключана ў кошт паездкі: • праезд на аўтобусе па ўсім маршруце • 1 ноч у гатэлі Ecotel Vilnius *** у Вільні. Гэта выдатны гатэль у цэнтры горада • 1 сняданак • Аглядная экскурсія ў Вільні Аплочваецца асобна: • візавы консульскі збор 60€ (дзеці да 6 год – бясплатна). ЧАКАЕМ ІНФАРМАЦЫЮ ПРА БЯСПЛАТНЫЕ ВІЗЫ! • збор візавага цэнтра 20€ • медыцынскае страхаванне • паездка ў Трокі — 25€ (па жаданні) Цягам усяго маршруту нас будзе суправаджаць беларускамоўны гід-гісторык, які валодае гісторыяй фармавання беларускай ідэнтычнасці. У дарозе ў нас будуць конкурсы на веданне гісторыі і культуры бацькаўшчыны. У Вільні мы будзем жыць у цэнтры горада ў Ecotel Vilnius ***— ecotel.lt. Каб зарэзерваваць паездку, перайдзіце на сайт разам.бел і запоўніце невялікую форму. Пасля з вамі звяжацца менеджар вандроўкі і распавядзе, што рабіць далей. Звярніце ўвагу: для рэзерва вандроўкі вам трэба будзе аплаціць толькі 50 рублёў! 59 еўра пражывання аплочваюцца ўжо ў Вільні! Кошт актуальны для першых 30 чалавек. Далей кошт будзе вышэй прыкладна на 6-8 еўра, бо на дадзеныя даты дадатковыя месцы ў гатэлі будуць каштаваць даражэй. Таму раім паспяшацца з рэзерваваннем! Дапамагаем з візамі. Прымаем усе формы плацяжоў.