Новы альбом Vuraj «Літо»!

Гурт Vuraj распачаў працу над сваім чацвёртым альбомам «Lito», у аснову якога пакладзеныя старажытныя песні беларускага Палесся. «Літо» – гэта беражліва сабраныя, вывучаныя, пераасэнсаваныя і літаральна наноў створаныя каляндарна-абрадавыя песні беларускага Палесся. Сяргей Доўгушаў і Vuraj на працягу 4 гадоў шукалі іх у экспедыцыях, знаходзілі і надавалі кожнай сваё адметнае «вурайскае» гучанне. У новым альбоме будзе перадавацца магія абрадавых песень, таямніца старажытных рытуалаў і моц сувязі з продкамі. Перадзамовіць дыск з унікальнымі песнямі можна наўпрост зараз, падтрымаўшы праект на краўдфандынгавай платформе Ulej.by: https://ulej.by/project?id=696955. А для тых, хто асабліва паспрыяе запісу і выданню дыска, музыкі падрыхтавалі крутыя падарункі: запрашальнікі на канцэрт, майстар-клас па народных спевах, карпаратыўны канцэрт, напісанне музыкі і ўдзел у сапраўднай этнаграфічнай экспедыцыі! VURAJ – мінскі фолк-гурт, які спалучае лірыку і мелодыі народных песень з элементамі розных музычных стыляў. Давайце разам захаваем галасы продкаў і дамо старажытным спевам новае жыцце! Падтрымайце палескі альбом Vuraj на Ulej.by: https://ulej.by/project?id=696955. Краўдфандынг будзе доўжыцца да 8 чэрвеня да 12.00.