Музычная прэмія "Даём рады 2016"

Уручэнне прэміі "Даём рады" пройдзе 27 лютага ў мінскім клубе Re:public. На канцэрце сыграюць Neuro Dubel, "Дай дарогу", Dzіeciuki і :B:N:. Такім чынам Еўрарадыё ўжо ў чацвёрты раз падвядзе музычныя вынікі года. 2015-ты выдаўся, як заўсёды, неадназначным у музычным плане, але багатым на рэлізы і бурлівым. За сыходзячы год нашы музыкі запісалі больш за 120 альбомаў, нечыя славутыя імёны сплылі ў беларускую музычную Лету, а нехта толькі паспеў заявіць пра сябе больш ці менш удала. Мы ўважліва сачылі за падзеямі і гатовыя раздаць усім па заслугах. Фестываль "Даём рады" па завядзёнцы збярэ лепшыя каманды беларускай альтэрнатыўнай сцэны, таму гарачы адрыў мы гарантуем. Лайн-ап і больш падрабязную інфармацыю чакайце неўзабаве. Квіткі можна набыць тут http://www.kvitki.by/ru/event/32264 Кошт квіткоў: Танцпол — 250 000 рублёў Месца за столікам — 320 000 рублёў Далей у залежнасці ад сітуацыі ў краіне кошт можа або застацца на такім самым узроўні, або крыху павысіцца па незалежных ад арганізатараў прычынах. Даведка: +375 29 1212296 Інфармацыя: euroradio.fm Супрацоўніцтва і акрэдытацыя: v.zybluk@euroradio.fm