Мой анёл прысніў мяне...

Паважанае спадарства! Вітаю усіх! :) даўно не бачыліся і ня чуліся! :))) Маю гонар запрасіць вас на сваё свята! Свята нараджэння кнігі! “Мой анёл прысніў мяне” – доўгачаканы і “свядомы” зборнік вершаў, прасякнуты эмоцыямі і пачуццямі. Думка нараджае слова… Музыка нараджае песню… Ці наадварот?!. Кожны раз усё наноў. Як першы снег – кожны год такі нечакана розны… Часам падаецца, што творы пішуцца нібы пад дыктоўку кагосьці звыш і прызначаюцца не толькі мне. І таму так неабходна і важна данесці іх да слухача. Я чакаю вас!.. Чакаю на вечары паэзіі і музыкі, што так хочацца дарыць адзін адному сярод халодных восеньскіх будняў. Сустрэча адбудзецца 8-га лістапада ў 19.00 З павагай, Ханна Чумакова.