Маналог Майстра

Серыя нарысаў "Маналог майстра" ўяўляе сабой галерэю творча-псіхалягічных партрэтаў унікальных майстроў, якія жывуць і ствараюць сёння на нашай зямлі. У кадры – майстар за справаю разважае пра рамяство, пра тое, хто такi майстар, пра пераемнасць, пра жыццё, пра культуру, пра мінулае і будучыню. Імклiвае развiццё цывiлiзацыi прывяло да стварэння адмоўнага вобразу ручной працы – самаробнае, значыць “непрафесійнае”. Вынікам стала катастрафічная страта цікавасці да старадаўніх традыцыяў і ручных уменняў, а адпаведна, і перарыванне жывых ланцужкоў пераемнасці ў многіх рамёствах. Менавiта таму мы бачым нашай мэтай захаванне, раскрыццё і актуалізацыю таямніцаў рамяства і нутранага свету ўнікальных майстроў праз фармат вiдэа-нарысу, стварэнне пазітыўнага вобразу і прыцягальнасці для сучасных людзей (як жыхароў нашай краіны, так і замежных гасцей) старадаўніх традыцыяў і ўменняў, аднаўленне пашаны да ручной працы. Праект ажыццяўляецца пры iнфармацыйнай падтрымцы i ў межах грамадскай культурнiцкай кампанii «Будзьма беларусамi»