#МАЁЙКРАІНЕ

Акцыя «#МАЁЙКРАІНЕ» (далей – Акцыя) ўпершыню была абвешчана ў 2016 годзе. Яна заклікана служыць прыцягненню грамадскіх ініцыятыў, павышэнню грамадзянскай актыўнасці, кансалідацыі грамадства. Мэта Акцыі – прыцягненне грамадзян, у першую чаргу моладзі, да рэалізацыі канкрэтных спраў на карысць роднай краіны і яе жыхароў, прапаганда інтелектуальнага і творчага патэнцыялу Гомельшчыны, умацаванне пазітыўнага іміджу Беларусі. Дэвіз Акцыі «Рухайся. Рабі. Развівайся. Радуй.» На працягу 2016 года ўдзельнiкi дасылалi ў афiцыйную групу Вконтакте фотаматэрыялы па 3х накiрунках: «Маёй краіне – мая павага» (аб грамадска-патрыятычных мерапрыемствах, у тым лiку тэматычныя фатаграфіі і «сэлфі», што прапагандуюць нацыянальныя, культурныя і гістарычныя каштоўнасці беларускага народа), «Маёй краіне – мой поспех» (пра асабістыя і калектыўныя перамогі, дасягненні і поспехі), «Маёй краіне – мае добрыя справы» (пра дабрачынныя, экалагічныя акцыі, марафоны, суботнікі i г.д.). У 2017 годзе Акцыя набыла новае гучанне. У яе рамках у кожным раённым цэнтры праведзены цэлы комплекс мерапрыемстваў на адкрытых пляцоўках: канцэрты, конкурсы, спартыўныя спаборнiцтвы, патрыятычныя, экалагiчныя i дабрачынныя праекты. #МАЁЙКРАІНЕ -2020 – гэта не проста свята ў кожным куточку Гомельшчыны, гэта выдатная магчымасць сустрэцца з цікавымі людзьмі, тымі, ‘хто любіць Беларусь, верыць у сваю краіну, у нашых працавітых людзей, у сілу і энергію ўсёй беларускай нацыі. Нас багата і мы РАЗАМ! Сачыце за далейшымi падзеямi ў афiцыйнай групе Акцыi Вконтакте.