Маўляў | Вольга Паўлюкевіч

я кажу што не стала адной з прыгажунь-летуценніц, не адолела Гегеля і нават “мір” у Талстога, адмаўляюся з цяжкасцю часам, як дзед, ад старога і гісторыю ведаю горш за “легенду” Стварэння я не слухаю рок, а на рэп не звяртаю увагі, і “Чытво” дзядзькі Квэнціна я так і не даглядзела, мне да лямпачкі нават, калі адбыліся падзелы: ўсё адно апынуліся мы пад чыімсьці там сцягам, я не стала танцоркай і ўмею хіба толькі плаваць, я выконваю адначасова тры розныя справы, і паводжу сябе – у залежнасці ад абставін, я магу да паўтрэцяй сядзець з вышываннем: маўляў я зусім не такая, якой ты мяне ўяўляў. 20.11.2011