"Мәрйәм" арт-студияһы

Өфөлә башҡорт ҡатын-ҡыҙҙары өсөн "Мәрйәм" арт-студияһы эшләй башланы. Маҡсатыбыҙ: һеңле, апай, еңгә, әсәй, инәй, өләсәйҙәргә уңышлы булырға, маҡсатҡа ирешергә, үҙ-үҙенә ышанырға ярҙам итеү. Һәр ҡатын-ҡыҙ бәхетле булырға, эштә - уңышлы хеҙмәткәр,өйҙә егәрле ҡатын, һәйбәт әсәй булырға теләй. Уңышлы ҡатын-ҡыҙ... Ул ниндәй булырға тейеш? Донъябыҙ теүәл булһын өсөн беҙгә нимә ҡамасаулай? Ошо һәм башҡа һеҙҙең һорауҙарға арт-студияның психологы, балалар психологы, кейем-биҙәнеү буйынса эксперты, дөрөҫ туҡланыу, үҙ-үҙеңде презентациялау буйынса һәм башҡа өлкәләге белгестәр яуап бирергә әҙер. Дәрестәр семинар, тренинг рәүешендә үтә. Улар бер тапҡыр йәки дауамлы итеп үткәрелә.