Lithuanian terram

«Міт аб Вечным Вяртанні» неабходны нам ды нашым нашчадкам, каб змяніць рэчаіснасць, якая зжывае сябе ды ўсё навокал! Міт які ўмацуе ідэалы, міт які здаволіць смагу па той Эўропе, што адмовілася ад сваёй адзінай традыцыі, а разам з тым і ад адзінага ды абгрунтаванага сэнсу свайго існавання ў будучыні. Палову веку таму згасла ў грамадзтве апошняя «Воля да Ўлады»! Сёння жа мы жывем у часы наступстваў, калі ўжо састарэлі не толькі ўсе нашы палітычныя тэорыі, але і згаслі ўсе надзеі на адраджэнне Радзімы ў стане сапраўднай велічы выказваючай павагу да мінулага. Выключна праз «Міт аб Вечным Вяртанні» мы маем астатнюю магчымасць пераадолець крызіс, які скоўвае «наш Дух», выключна праз гэтае «Вечнае Вяртанне» мы маем магчымасць наноў запаліць для сябе саміх «Святло ў сэрцы Эўропы»: нястомна адбудоўваючы класічную традыцыю ды павялічваючы асабістую адказнасць за яе лёс. Літва яшчэ мёртва сніць у кожным з нас, яна яшчэ моцна ды глыбока дрэмле пад глебай — пад нашымі няўдзячнымі нагамі, яна напышліва ды грэбліва сочыць за намі з вышыні нешматлікіх замкавых вежаў, з парэшткаў буйных палацаў ды з помнікаў-вобразаў, глядзіць на нашае бязладнае існаванне на процягу апошніх 225 рокаў». — Litvinski Nastup