Летні кінабалаган-2015

Панадворак Цэнтра сучасных мастацтваў - кропка старту. 2-га ліпеня ўвечары будзе паказ конкурснай праграмы і праграмы сінема ўрбан віжн. Зразумела з усяго свету, зразумела тое што падштурховае суперажываць і думаць. Сінема ўрбан віжн - зборка фільмаў прыгодных для імправізаваных паказаў у публічных месцах: вуліцах, плошчах, набярэжных... Будзе таксама паказ і прэзентацыя фільмаробамі сваіх фільмаў. Можна прыйсці зранку і дапамагчы будаваць Кіналёт. Кіналёт - мабільная скульптура, якая прызначана вандраваць па ўсім свеце. Ці падрыхтаваць месца для паказа, ці проста патусіць. На наступны дзень мы будзем рухацца кудысьці наперад пешшу, паказваць кіно на вуліцах, мікрараёнах, вёсках, райцэнтрах... Куды канкрэтна і колькі часу - невядома. Што з сабой браць? Нічога, быццам вы пайшлі ў магазін за цыгарэтамі і раптам назаўсёды зніклі. Можна прыязджаць на роварах, бо ўвесь груз мы пакладзем на ровары. З намі будуць дзеці, то добра і іх пасадзіць на ровары. Бярыце бубны, гармонікі і вувузэлы, усё што ё ў бабкіным куфары!