Лабараторыя распазнавання і сінтэзу маўлення

Мы тут, каб паказаць вам вынікі сваёй працы. Гэта можа быць мабільная ці кампутарная праграма, анлайн-сэрвіс, цікавы артыкул або нешта яшчэ. Мы распрацоўваем іх, каб беларусам было лепш размаўляць па-беларуску і ня толькі. Мы адкрытыя на супрацу з Вамі ў межах Вашага навучання, працы ці паўсядзённага жыцця! Чакаем дыялогу з Вамі для ўдасканалення нашай працы і, як след, жыцця ў Беларусі! Вы можаце падтрымаць нас пастом, лайкам, думкай, словам, учынкам! :) *** Лабараторыю распазнавання і сінтэзу маўлення заснавалі ў 1974 годзе. Спачатку гэта быў аддзел Цэнтральнага навукова-даследчага інстытуту сувязі, а з 1986 года — лабараторыя Інстытута тэхнічнай кібернетыкі НАН Беларусі. Цяпер гэта лабараторыя Аб'яднага Інстытута праблем інфарматыкі Нацыянальнай акадэміі навук Беларусі. Навуковы напрамак нашай дзейнасці – тэорыя распазнавання і сінтэзу маўлення і прымяненне маўленчай сувязі ў чалавека-машынных сістэмах. Гэта: — сінтэз маўлення па тэксце — шматмоўны сінтэз маўлення — распазнаванне маўленьня — распазнаванне інтанацыі маўленьня — распазнаванне ключавых і злітнай паслядоўнасці слоў — камп’ютарная тэлефанія — камп’ютарныя сістэмы рэабілітацыі інвалідаў слыху і зроку — камп’ютарнае кланаванне персанальнага голасу і маўлення — апрацоўка натуральнай мовы — камп’ютараная лінгвістыка — апрацоўка электроннага тэксту — маўленчы інтэрфейс інтэлектуальных сістэм і робатаў — разумныя дамы Нашы распрацоўкі тут: http://ssrlab.by/ http://www.corpus.by/ https://play.google.com/store/search?q=ssrlab&c=apps https://www.youtube.com/channel/UCM6AbOxJO9JmXKhUkjv8m0A