Конкурс «КЛІПзаМОВА»

Конкурс «КЛІПзаМОВА» — бясплатны кліп на песню па-беларуску Грамадскае агенцтва «Арт Сядзіба» (http://artsiadziba.by) і відэастудыя «Ideas» (http://idst.eu) распачынаюць сумесны творчы конкурс «КЛІПзаМОВА» сярод гуртоў і выканаўцаў, якія спяваюць па-беларуску. Як прыняць удзел? Да 3 сакавіка дасылайце песню на беларускай мове з кароткім апісаннем гурта ці выканаўцы, спасылкамі на сайт ці сацыяльныя рэсурсы і кантактнымі дадзенымі на скрыню artsiadziba@gmail.com альбо пакідайце ў падзеі: https://vk.com/klipzamova. Патрабаванні: — прымаюцца толькі цалкам аўтарскія песні, выкананыя на беларускай мове; — стыль песні не мае значэння; — прымаецца толькі адна песня ад гурта ці выканаўцы; — песня павінна быць студыйнай якасці і не старэйшай за паўгады ад запісу ці рэлізу. Што далей? — у сакавіку з атрыманых прац будзе абрана 20 песень, сярод якіх у чатыры туры адбудзецца адкрытае галасаванне і будуць вызначаныя чатыры фіналісты; — для чатырох фіналістаў відэастудыя «Ideas» здыме прэзентацыйныя ролікі, а грамадскае агенцтва «Арт Сядзіба» арганізуе вялікія інфармацыйныя матэрыялы з інтэрв'ю ў беларускіх СМІ; — у красавіку адбудзецца фінальнае галасаванне з удзелам інтэрнэт аўдыторыі і экспертаў і вызначэнне пераможцы, якому відэастудыя «Ideas» бясплатна здыме кліп; — у траўні грамадскае агенцтва «Арт Сядзіба» правядзе ў адным з клубаў Мінску канцэрт пераможцы з шырокай прэзентацыяй кліпу ў беларускіх СМІ. Відэастудыя «Ideas» займаецца здымкамі тэлевізійных праграм, музычных кліпаў, рэкламы і кароткаметражных фільмаў, а таксама здае ў арэнду студыю з тэхнікай. Больш падрабязна пазнаёміцца з ранейшымі працамі відэастудыі «Ideas» можна тут: http://idst.eu, https://vk.com/ideas.studio, http://www.youtube.com/IdeasTVexperimental