Күн ыйа - Ый Кыыhа

Саха сирин биир саамай ча5ылхай, ураты айар-тутар улэлээх, нарын-намчы куоластаах ырыаhытыгар ананар анал тумсуу. Былыргы дьыллар быдан мындааларыттан, Урукку дьыллар одун уур5аларыттан, Икки атахтаах иннэ кэнчээритэ кэскиллэнэн эрдэ5инэ, Обугэлэрбит барахсаттар удьуордарын ууhатаары, Кыыс о5о кутун кыптыыйыгар инэрэннэр, Уол о5о кутун оххо инэрэннэр, Аналлаан, ааттаан туhэриэхтэриттэн ыла, Иэримэ дьиэ иччилэнэр, иитэр суоhу куруолэнэр буолбут. Дьэ, ол улуу кэмтэн, арылыктаах Аан ийэ дойдубут, Алта иннэ далбарыгар, туналханнаах кытыл са5атын томтойор туонатыгар, Орто туруу дойдуга киhи аймах кэскилин кэнэтэригэр, Ырыанан арчылыы, араначчылыы сырыт диэн, Айыы айма5а, Аламай манан кун, Сарсыардаанны сарыалын тыына, Арылыйа сандаарыйа, тэмтэйэ куорэйиитэ, Тус илин диэкиттэн кылбайан костор туулэрдээх, Кырааскалаах тумустаах, кылдьыылардаах харахтаах, Кынтальдыйа кылбайар, кыталыктыы кыылларынан арыаллатан, Кыыс о5ону аналлаан, айхаллаан ыыппыттар! Орто туруу дойду дьоллоох ойуута диэн, Ол кыыс аата буолар эбит. Кэрэ дьа5ыллайдыы киэргэллээх симэ5э диэн, Кини аата буолар эбит. Аан ийэ дойду маанылаах мандата диэн, Маннык аат буолар эбит ЫЙ КЫЫhА!