Хроніка аднаўленьня незалежнасьці. Відэарарытэт

Дзень незалежнасьці Беларусі складаецца з трох частак. Гэта абвяшчэньне незалежнасьці БНР 25 сакавіка 1918, фармальная дэклярацыя незалежнасьці беларускай дзяржавы 27 ліпеня 1990 і канчатковае канстытуцыйнае зацьверджаньне сувэрэнітэту 25 жніўня 1991. "Хроніка аднаўленьня незалежнасьці" — гэта аўтарскія кадры падзеяў канца 1980-х – пачатку 1990-х апэратара Сяргея Чырыка, якія раней не ўпублічняліся. У дыскусыі пасьля прагляду возьме ўдзел Станіслаў Шушкевіч, старшыня Вярхоўнага Савету Рэспублікі Беларусь (з 19 верасьня 1991 па 26 студзеня 1994). Мерапрыемства пройдзе 25 жніўня, у гадавіну наданьня Дэклярацыі аб дзяржаўным сувэрэнітэце Беларусі статусу канстытуцыйнага закону (25 жніўня 1991). Месца правядзеньня — новае памяшканьне Арт-Сядзібы (Менск, вул. Машэрава, 18). Пачатак а 19:00. Уваход вольны. Рэгістрацыя не патрабуецца.