Хъазтизæр (Дзæуджыхъæу)

Уагæвæрд! Хъазт концерт нæу, уымæ гæсгæ алчи дæр у йæ архайæг. Чи куыд зоны, афтæ зары, чи куыд зоны, афтæ кафы. Ирон хъазт фидауы ирон зарæг æмæ ирон кафтæй. Кафыны бар дæтты чъегъре.Уый кæй бацамона, уыцы къай æнæмæнгæй хъуамæ ракафа. Кæд лæппуйы фæнды йæ зонгæ чызгимæ ракафын, уæд йæ фæнд хъуамæ зæгъа чъегърейæн, æмæ чызджы бацамона. Фыццаг чъегъре кафынмæ рахоны лæппуйы, уый фæстæ- чызджы. Чызг хъуамæ иу къахдзæф размæ ракæна, фæлæ йæ цалынмæ йе 'мкъай нæ рахона, уæдмæ нæ кафы. Кафты фæстæ лæппу чызджы кæцæй ракодта кафынмæ, уырдæм хъуамæ йæ фæдыл ауайа. Лæппуйæн чызгыл бандзæвыны бар и айдагъ Симды. Чызгæн та йæ сæрæндзинад равдисыны бар ис айдагъ Ерысы кафты. Хъазт конд æрцыд нæ хистæр, кæстæр фæлтæр, æмæ нæ фидæны сæраппонд. Уымæ гæсгæ уæ курæм аргъ кæнын нæ мадзалæн, æмæ уæвын уæздан уæлдарæсы æмæ æрвонгæй.