ХараЧакра

Гурт ХараЧакра ўзнік у 2017 годзе з творчага саюзу аматараў без музычнай адукацыі - аўтара слоў і музыкі Зміцера Гарачкі і бубнача Дзяніса Холада ды прафесійнага музыканта і педагога Кацярыны Ганчаровай. Цікавая гісторыя з басістамі - прафесійны джазавы музыкант і педагог Яўген Барэйка ўдзельнічае ў запісах, а таленавіты музыкант-практык Сяргей Цапоўскі выступае на канцэртах. Назва гурта пайшла ад прозвішча Зміцера - Гарачка. Падчас знаходжання ў Індыі была зроблена памылка, і яго называлі Mr Harachaka. Неўзабаве дадалася літара Р - і атрымалася такая назва. Гэта супала з назвай одной з чакр - Хара-Чакра, якая кіруе жыццёвай сілай чалавека, дае энергію і моц нашаму духу, рухае нас на дзеянні. Такі сімвалізм нам прыемны. Зміцер Гарачка: aўтар слоў і музыкі, гітара, вакал, галасавая труба; Кацярына Ганчарова: флейта, саксафон, бэк-вакал, аранжыроўка; Яўген Барэйка: бас, гітара, клавішы, аранжыроўка; Дзяніс Холад: бубны, перкусія, гітара, бэк-вакал, гукарэжысёр, саўнд-дызайн; Сяргей Цапоўскі: бас; Ягор Антонаў: труба.