ГЕРОІ ГОДУ | VURAJ, INTELLIGENCY, SNOPSNOŬ

Хэй-хо! Рэдакцыя Tuzin.fm ужо склала шорт-лісты прэміі «Героі году» і аб'явіла, што на цырымоніі ўручэньня зайграюць гурты-намінанты -- INTELLIGENCY, VURAJ, SNOPSNOŬ Квіткі каштуюць 12 BYN Набыць Online: bezkassira.by/prymj_gero_godu-2016_ad_tuzinfm-1904/ Набыць SMS-квіток: smsbilet.by/catalog/concerts/premya-gero-godu-2016-ad-tuzinfm-vuraj-snopsno-intelligency-dy-nsh.html 12 сьнежня даведаемся імёны герояў беларускай музычнай сцэны 2016-га году, справім 13-годзьдзе Tuzin.fm ды патанчым пад жывыя сэты намінантаў і пераможцаў прэміі ў менскім клюбе «Грай», што месьціцца адразу за Палацам Рэспублікі, на вуліцы Інтэрнацыянальная, 33. Узнагароды традыцыйна ўручаюцца ў дзьвюх галоўных намінацыях — «Адкрыцьцё году» і «Героі году» — найлепшы беларускі гурт/выканаўца ў 2016-м. Пераможцы абвяшчаюцца штогод у адзін і той жа дзень, які лічыцца сымбалічным днём народзінаў нашага парталу – 12.12. У розныя гады пераможцамі станавіліся ZET, N.R.M., рок-паэт Міхал Анемпадыстаў, Паліна Рэспубліка, «Ляпіс Трубяцкі», Akute, Hurma, Re1ikt, Leibonik, Dzieciuki ды іншыя. Летась узнагароды атрымалі Pauline і «Крамбамбуля». Даведкі: +375 29 687-20-93.