—=GaRaDZKija=—

Піт Паўлаў – вакал, гітара, Дзяніс Савік – гітара, Леша Рудольф – бас, Алезіс Дземідовіч – бубны Цяжка апісаць, у якім стылі грае гурт "Гарадзкія" (Garadzkija). У такіх выпадках яшчэ кажуць, што гэта проста "Беларускі рок" :) У запісах гурту можна пачуць і традыцыйны рок, і панк-рок, і ска-панк, і гардкор, і рэгі, і поп-рок... Лідэр гурту - Піт Паўлаў - таксама зьяўляецца гітарыстам леґендарнага N.R.M. ды заснавальнікам праекту Pete Paff, а заадно і сэкс-сымбалем беларускага року. Нарадзіўся 7 лістапада (Скарпіён). Асноўны занятак — гітара, акром граньня ў шэрагу гуртоў дае прыватныя ўрокі. Спачатку вучыў бясплатна, але вучні прапускалі заняткі. Як прызначыў плату — дык чэргі стаялі. Жыцьцёвы прынцып: быць максымальна шчырым. Паводле ўласнага прызнаньня, занадта бурклівы, невыносны ў побыце ды яшчэ й выхваляка. Пры гэтым з жонкай, мастачкай Зояй Луцэвіч, жыве ўжо чатырнаццаць гадоў. Сыну Яну-Вінцэнту адзінаццаць гадоў. Піт ня п’е, ня паліць, займаецца спортам (плаваньнем, у прыватнасьці). Любіць мяса, перадусім сьвініну, засмажаную вялікімі кавалкамі. Антыалькаголік («Фу! Якая брыдота!»), аматар журавінавага напою. Служыў у паветрана-дэсантных войсках.