Фестываль моладзевых субкультур・Вілейка

Асноўная ідэя мясцовай ініцыятывы «Фестываль моладзевых субкультур «Энергія маладосці» ў тым, каб прэзентаваць розныя моладзевыя субкультуры, прапагандаваць здаровы лад жыцця сярод моладзі, аб'яднаць таленавітую моладзь, прадставіць яе высокія магчымасці, стварыць сучасную спартыўна-забаўляльную пляцоўку, адкрытую для творчых эксперыментаў. Мы рады таму, што трэці год крок за крокам адраджаем фестывальнае жыццё нашага горада, а таксама вельмі ўдзячны тым, хто быў і застаецца з намі! Падчас фестываляў праходзілі: ・будаўніцтва і адкрыццё скейт-пляцоўкі са сцэнай ・спаборніцтвы па скейтбордынгу і ВМХ ・спаборніцтвы па Street Workout ・велаквесты, велапрабегі, Дзень без аўто ・усталяванне і адкрыццё велапарковак, карты тайм-лагістыкі ・танцавальны марафон, майстар-класы па вулічных танцах, тэатр мод ・фестывалі фарбаў Холі з удзелам ды-джэяў і рэп-выканаўцаў, парад мыльных бурбалак ・опэн-эйр з удзелам беларускіх поп/хіп-хоп/рок/метал/фолк/панк-гуртоў ・фаер-шоў і светлавое шоў ・Доггі-парк - конкурсы сабак ・Дні энергіі - экалагічныя конкурсы і зоны ・Планета навуковых цудаў - інтэрактыўная навукова-пазнавальная пляцоўка ・Дранік-шоў ・Жывая бібліятэка - праект, дзе замест кніг людзі ・выставы і продаж вырабаў рамеснікаў ・майстар-класы па стрыт-арту, пленэры, фотасушка працавалі: вулічныя тэатры, гарадкі рамеснікаў, фудкорты, пазнавальныя і спартыўна-забаўляльныя пляцоўкі, арт-зоны, зоны здароўя і прыгажосці, дзіцячыя зоны, лазертэг, цір і інш. Шмат напрамкаў прадстаўляла моладзь з суседніх гарадоў і сталіцы, з іншых абласцей, а Доггі-парк прыцягнуў замежных удзельнікаў. Фестываль наведвалі штогод каля 1000 чалавек.