ETHNO_BEAT

Стваральнік праекту ETHNO_BEAT – вулічны музыка Дзяніс “Груша”. Гукі ягонай флейты чулі Менск, Гданьск, Дрэздэн, Берлін ды іншыя гарады Еўропы. Музыка пачынаў у фолкавых гуртах “Джамбібум” і “Крыві”. Спробы пераасэнсавання беларускіх архаічных спеваў у сучасны музычны фармат доўжыліся некалькі гадоў. Пасля быў удзел у рэггі-бандзе “Хай так”, дзе ўжо напоўніцу былі выкарыстаныя самыя сучасныя сродкі вулічнага музычнага мастацтва: beatboxing і live looping. Beatboxing непасрэдна связаны з культурай хіп-хопу, які з маладых гадоў займаў у сэрцы музыкі адно з галоўных месцаў. Гэта своеасаблівы стыль капіравання гукаў бітоў, скрэтчаў і нават некаторых музычных інструментаў з дапамогай выключна голасу выканаўцы. Live looping з’явіўся пазней з адпаведным развіццём музычнай апаратуры. Гэта стыль стварэння музычных кампазіцый, калі выкананы кавалак адразу запісваецца і праіграецца з паўторам, пакуль выконваецца наступны. Такім чынам, адзін выканаўца можа за кароткі час на вачах гледачоў стварыць складаную шматплынную кампазіцыю. Найбольш яркім прадстаўніком вулічных музыкаў, якія паспяхова спалучаюць тэхнікі beatboxing і live looping, з’яўляецца знакаміты Dub Fx. Напэўна са знаймства з яго творчасцю і ўзнік праект ETHNO_BEAT. Цікава, што б сказаў Dub Fx, пачуўшы беларускую старадаўнюю песню, пакладзеную на хіп-хопавыя біты зацыкленыя ў loop’ы? :D У межах праекту ETHNO_BEAT працягваюцца эксперыменты з саундам: выкарыстоўваюцца флейта і армянскі дудук, які сваім гучаннем нагадвае саксафон, а таксама гітара ды афрыканскія джамбеі. Пачуць гэта неверагодны кактэйль можна на вулiцах наша горада. )))