Дзень X - Гарадская гульня

Запрашаем Вас 7, 8 і 14-га траўня на гарадскую квэст-гульню-арыентаваньне "Дзень Х", якая пройдзе ў межах Фэстывалю Сям'і ў Парку Горкага! Ну, гэта проста сьвята нейкае! Вам прадастаўляецца неверагодная магчымасьць цудоўна правесьці час з сябрамі і ўсёй сям'ёй, напружыць лобныя долі, адказваючы на няпростыя пытаньні, выпрабаваць сваю логіку і арліны зрок а таксама наноў адкрыць для сябе парк і навакольныя вуліцы сталіцы. Пераможцаў штовечар чакаюць прыемныя хэнд-мэйд прызы ад арганізатараў. Як паўдзельнічаць: 1) зьбяры каманду (ад двух да пяці чалавек), 2) прыйдзіце 7, 8 ці 14 траўня ў Парк Горкага а 15й гадзіне 3) знайдзіце наш рэгістрацыйны стол ля сцэны ў парку 4) адкажыце на пытаньні і запоўніце маршрутны ліст 5) пасьпейце у адпаведны час вярнуцца на фініш Таксама для гульні варта будзе прыхапіць з сабой: • зараджаны мабільнік ці фотаапарат • асадку/аловак • зручны абутак • і абавязкова... добры настрой! :) Удзел бясплатны! Па ўсіх пытаньнях тэлефануйце +375293876059 (Ганна), +375293038763 (Віталь), ці пішыце сюды.