Дзікія гісторыі - Кіно ў Доме Фішэра. Gavarun_by

Шмат хто пакрыўдзіў Габрыэля Пастэрнака за яго жыцьцё, але аднойчы ўсе яны апынуліся ў адным самалёце. Афіцыянтка маленькай рэстарацыі пазнала ў чарговым наведвальніку карупцыйнага чыноўніка, што калісьці давёў яе бацьку да самагубства. Дыега смачна аблаяў кіроўцу на старым аўто, які перашкаджаў сябе абагнаць, але празь некалькі кіламетраў у яго машыны спусьціла кола. У інжынера-падрыўніка неабгрунтавана эвакуююць машыну і прымушаюць заплаціць буйны штраф. Гэтая падзея фатальна ўплывае на ўсе сферы яго жыцьця. Малады хлопец зьбівае на дарозе цяжарную жанчыну і просіць свайго багатага бацьку дапамагчы пазьбегнуць адказнасьці. На сваім вясельлі нявеста выпадкова даведваецца, што яе муж здраджваў ёй з адной з госьцяў. Усе гэтыя гісторыі займелі нечаканы, дзікі працяг. “Дзікія гісторыі”, спадарства!