Дуэты Лупасіна

Іаган Сэбасцьян Бах штодня меў тры клопаты: выпіць куфаль піва (калі меў на свінінку, то са свінінкай), напісаць фугу і пакахаць жонку. Я не Бах, таму не пішу фуг штодня, а кожны тыдзень запісваю дуэты з усякімі харошымі людзьмі — ад чувакоў з вуліцы да лэдзі Гагі, калі яна захоча. Фармат запісу трохі незвычайны — экспрэс-міксы, прыкладна дзве гадзіны на запіс вакалу і прыблізна столькі ж на ўсе апрацоўкі-звядзенні. Лепшыя трэкі па выніках галасавання будуць перапісаныя ў сур'ёзнай якасці.