Димселәр (никах, ғаилә ҡороу)

Был төркөмгә пар табыр өсөн генә түгел, пар табырға ЯРҘАМ итеү (димләү) өсөн инәләр! Электән башҡорттарҙа димләү йолаһы булған. Еңгәйҙәр, инәйҙәр, апайҙар үҙ тыуғандарына пар тапҡандар - димләгәндәр. Шуға яңғыҙ, берәҙәк башҡорт булмаған ул саҡта. Башҡорт бит күбеһенсә тыйнаҡ, баҫалҡы, үҙен маҡтап бармай. Ә димселәр тыуғын кешеһенең яҡшы яҡтарын күреп-белеп, күрһәтеп-маҡтап, уға үҙе кеүек пар табып биргәндәр. Яңғыҙ тыуғанығыҙ, танышығыҙ бар икән - рөхсәтен алып - анкетаһын миңә ебәрегеҙ. Танышырға теләгән кеше үҙе лә ебәрә ала. Берәүҙең дә телефон номерын һәм башҡа информацияһын асып һалмайым, тик шәхсән минең аша һөйләшәһегеҙ. Кандидаттар ҙа минән аша ғына иғлан ҡуя ала. Миңә тулы информация бирәһегеҙ, ә группала исеме, адресы,телефоны яҙылмай. Был мутлыҡтар (мошенничество) булмаһын, һәм тиң парҙар табыу өсөн һәм бөтә донъяға исемегеҙ билдәле булмаһын өсөн. Уҡығыҙ, яҙығыҙ, табышығыҙ, ҡауышығыҙ, димләгеҙ! Кем менән ҡыҙыҡһынаһығыҙ - һорағыҙ, мотлаҡ яуап бирермен. Димләү, яусылау эштәре Беҙҙең халыҡ йолаһы, Ошо йоланы яңыртһаҡ, Булыр уның файҙаһы. Халҡымда бик матур йола Димләү тигән йола бар, Шул йоланы яңыртырға Ағинәйҙәре лә бар. Яҡын-тирә ауылдарҙа Бәлки барҙыр кәләштәр, Ана шул йәштәр ҡауышһа, Үәт гөрләр ине эштәр!