Давушлы китап

Декабрь айынынъ башындан "Мейдан"радиосы далгъаларында динълейиджилерни къырымтатар эдебияты эсерлеринен таныш эттирген "Эдебият алеми" яйыны чыкъып башлады. Бу яйын чешит яштаки аудиториягъа меракълы ве файдалы олур, деген умюттемиз. Себеплери чокъ, биринджиден, бу тилимизни джанлы суретте эшитмек ичюн бир имкян, экинджиден - эр биримизни эдебиямызнынъ къыйметли джевхерлерине якъынлашмакъ бир чаре, яшлар ичюн, талебелер ичюн окъувда файдалы олмакъ мумкюн, эсли динълейиджилеримиз ичюн оларгъа белли эсерлерни хатырламакъ ве белли олмагъан эсерлер акъкъында хабердар олмакъ бир мумкюниеттир. Бундан да гъайры, эгленджи ве раатлыкъ бир вакъыт олур, деймиз. Буюрынъыз, эр иш куню, акъшам, саат 20.30 (мск) бизлер сизден чокъ вакъыт алмайып, къырымтатар бедий эсерлерини окъурмыз, сиз динълерсиз. Дост олайыкъ! *** Урьметли достлар, динълейиджилеримиз! Февраль айындан башлап бу шекильде "Эдебият алеми" радио эфирде энди чалышмайджакъ Бизлернен берабер олгъанынъыз ичюн сизлерге чокъ тешеккюрлер. Къырымтатар эдебиятында миллетимизнинъ анъы, тарихы акс олунды. Саифелерни ачынъыз ве эсерлеримизнен таныш олунъыз. Акъшамлары олсун, куньдюзми, вакъытынъыз олса, янъы-эски китап, журналларымызны ачып, козьден кечиринъиз! Мытлакъ, анда бир хазинедир. Сайгъы иле "Эдебият алеми". Сагълыкънен къалынъыз! ____________________ Dekabr ayınıñ başından "Meydan"radiosı dalğalarında diñleyicilerni qırımtatar edebiyatı eserlerinen tanış ettirgen "Edebiyat alemi" yayını çıqıp başladı. Bu yayın çeşit yaştaki auditoriyağa meraqlı ve faydalı olur, degen ümüttemiz. Sebepleri çoq, birinciden, bu tilimizni canlı sürette eşitmek içün bir imkân, ekinciden - er birimizni edebiyamıznıñ qıymetli cevherlerine yaqınlaşmaq bir çare, yaşlar içün, talebeler içün oquvda faydalı olmaq mümkün, esli diñleyicilerimiz içün olarğa belli eserlerni hatırlamaq ve belli olmağan eserler aqqında haberdar olmaq bir mümküniyettir. Bundan da ğayrı, eglenci ve raatlıq bir vaqıt olur, deymiz. Buyurıñız, er iş künü, aqşam, saat 20.30 (msk) bizler sizden çoq vaqıt almayıp, qırımtatar bediy eserlerini oqurmız, siz diñlersiz. Dost olayıq! *** Ürmetli dostlar, diñleyicilerimiz! Fevral ayından başlap bu şekilde "Edebiyat alemi" radio efirde endi çalışmaycaq Bizlernen beraber olğanıñız içün sizlerge çoq teşekkürler. Qırımtatar edebiyatında milletimizniñ añı, tarihı aks olundı. Saifelerni açıñız ve eserlerimiznen tanış oluñız. Aqşamları olsun, kündüzmi, vaqıtıñız olsa, yañı-eski kitap, jurnallarımıznı açıp, közden keçiriñiz! Mıtlaq, anda bir hazinedir. Sayğı ile "Edebiyat alemi". Sağlıqnen qalıñız! _____________________________ Начиная с декабря на волнах радио "Мейдан" выходит передача "Эдебият алеми" ("Мир литературы"), которая знакомит слушателей с произведениями крымскотатарской литературы. Надеемся, что эта передача будет полезной для аудитории разных возрастов. Причиной тому, во-первых, возможность слышать живую крымскотатарскую речь, во-вторых - приближение каждого из нас к настоящими жемчужинам нашей литературы, для молодых, студентов эта передача может быть полезной в учёбе, для более старших она может быть напоминанием об у