Дапаможам выратаваць Кальварыйскія могілкі ад знішчэння. Талака ў суботу 21 студзеня

Некаторым магілам на самых старых у Менску Кальварыйскіх могілках пагражае знішчэнне. Мінскі «Спецкамбінат» змясціў таблічкі з папярэджваннем пра тое, што, калі на магілы не будуць прыведзеныя да ладу, іх знішчаць. Гэтыя магілы знаходзяцца ў самай гістарычнай частцы могілак — акурат па дарозе да касцёла. Кальварыйскія могілкі з’яўляюцца самымі старажытнымі з захаваных на тэрыторыі Мінска. Яны ўзніклі ў XVIII ст. Каб не дапусціць знішчэння магіл, пробашч парафіі кс. Андрэй Бародзіч запрашае ўсіх жадаючых дапамагчы навесці на іх парадак. Талака распачнецца 21 студзеня а 10-й гадзіне. Шчыра запрашаем далучыцца да акцыі! Дапамажыце ўратаваць могілкі ад знішчэння!