Чоным почын мурена...

5-13 июнь - БАШКОРТОСТАН да СВЕРДЛОВСК областьыш гастроль-влак! --------------------------------- "ЧОНЫМ ПОЧЫН МУРЕНА" проект коллектив семын 2010-ше ий гыч чумыргаш тӱҥалын. Лач тунам Марий Элын сулло артистше АНАТОЛИЙ ЗАРЕЦКИХ ден Марий Эл кугыжаныш премийын Лауреатше ВОЛОДЯ МАТВЕЕВ у сынан концерт программе-влакым пырля ямдылаш тӱҥалыныт, воктекышт тыгаяк шонымашан вес артист-влакым ушаш шонен пыштеныт: эстраде да калык муро дене пырля шке программышкышт мыскара шӱлышымат шыҥдареныт. Тидын дене у тӱсым пуртеныт. 2011-ше ийыште проектыш Марий Эл тӱвыран сулло пашаеҥже ЭЛЬВИРА ТРИФОНОВА да самырык мурызо ЛИЛИЯ ПЕТУХОВА-БОГОЛЮБОВА ушненыт. 2012-шо ийыште проектыш семмастар да муро автор АРТУР ЕФРЕМОВ ушнен. 2015-ше ийыште АНАТОЛИЙ ЗАРЕЦКИХ проект деч кораҥын, а 2020-шо ийыште уэш портылын. 2015-ше ийыште проектыш Олык Ипай лӱмеш кугыжаныш премийын Лауреатше ИРИНА ЯКАЕВА ушнен да кызытат кылымк уча (Москваште ила). 2015-ше ий гычак проект дене пеҥгыде кылым мурызо ЙОРГА КАЧЕ куча (Москваште ила). 2019-ше ий гыч проектыш мыскараче ВЕРА ГОРОХОВА ушнен. Тудо турло мыскара образым чона, мсценкыште модеш, монологым каласкала. "ЧОНЫМ ПОЧЫН МУРЕНА" проектын репертуарыштыже турло кундемлаште илыше марий-влакын муро аршашышт, эстраде муро да дискотеке сем-влак улыт, пытартыш жапыште МЫСКАРА шулышат тиде проектын концерт программыштыже утыр ылыжын. Проект вуйлатыше - ВОЛОДЯ МАТВЕЕВ.